Erntegedicht 2015, geschrieben von Ursel Graf            vorgetragen von Celiena Friebe und                       Meinke Ostermann       

C   Arntefest: Dat  Kurn is maiht,  Brokser Mart hebt wi hat,

      drüm maakt wi us för ust Arntefest glatt.   

      Allerdings wör lange nich kloar,

      wer is denn woll düt Johr ust Anrtepoor?

 

M   Celina un ik hebt us dacht, dat is doch eene goe Saake,

      un Tadition - so mit Olt un Jung een Fest to maaken.

      Mi schient, hier wüd de Tiet woll nutzt,

      de Kerkplatz is maiht un fächt un putzt.      

 

C   Ja Meinke, düsse Platz is dorto ganz bannich schön.

      Hier passt dat Arntegebeet ganz wunnerbor hen.

      An de Kerken bleiht Planten un Blomen in`n Bibelgoorn

      un bi`n Denkmal hebt wi dat glatt maakt in de 72-Stünnen-Aktion.

 

M   Wi sünd hier im Zentrum -  in Wietzens Mitte is önnig  wat los! 

      Kerken, Schoole, Sporthalle, Kinnergoorn un Museum, is doch femoos.

      Inschoolungsgottesdenst is hier vedage uk all wäsen,

      Eene nehe Klasse leert nu räken, schrieben un läsen.

      Aber so een önnigen, prächtigen Antekranz

      mit Blomen, Kurn un Bänner, dän vemiß ik hier ganz! 

 

C    Sicher hebt wi eenen Kranz, dat is doch woll kloar,

      doch irstmal vetell du: Wi wör dat Arntejohr?

      Het dat Kurn genoch brocht, sünd de Buurn tofreer?

      Dat wör doch so`n hen un her mit dat Arnteweer.

 

M   Eenfach harn de Buurn dat düt Johr sicher nich.

      Bi över 40 Grad, wi up Mallorca, is ton Arbeiten fürchterlich.

      Un köm man jüst mit de Hidde un Schwüle wedder kloar,

      würn nachts bloß 5 Grad, oder Gewittergüsse möken et zwoor.

 

C    Mit dat Weer, dat is jo jümmer so eene Saake.

      Künnt wi, Gott wäs Dank, sülms nix anne maaken.

      Wi harn veel Rägen un Külle ne ganze Tiet.

      In`n Goorn wüß bloß dat Kruut in düssen Schied.

 

M   Doch wi wid man nich stöhnen un klagen.

      Irgendwann köm jümmer dat Richtige von baben. 

      An Seebensläperdach wür Sünne un Rägen

      un so is dat Weer uk säben Wäken bläben.

 

C    De Teltlagers kömen mit dat Mischweer sehr good kloar.

      Dat Ferienweer wör för de Kinner  wunnerbor.

      Öber 10 Dusend Besöker würn all in use Badeanstalt.

      weil warmet Waater dorför von de Biogasanlage affallt. 

                                                

                                                             

M  Ja, de Mais wasst düt Johr woll noch bit na de Wolken hen.

      Un in`n Dörsnitt sünd de Erträge von Getreide uk good wän.

      Aber de Vörschriften von Amtswägen wird mehr un mehr.

      Üm Erfolg to hebben, muß vedage masse weeten un lehrn.

 

C   Wat eenfacher is dat mit de Vörschriften noch in Goorn.

      Obst un Gemüse is düt Johr good un prima gerorn.

      Dorüm harn wi uk woll so ne Wöpsen-Plagen.

      Buuten wat eeten möch man gor nich mehr wagen.

 

M   Ja, een un half Sieten stünnen von Wöpsenarlarm  inne Zeitung.

      Hülpe von vemummten „Insektenbeauftragten“, wenn dat summt.

      Doch för luter Sappeln vegät wi noch ganz,

      dat ward doch woll Tiet för dän Arntekranz!

 

C    Hier is he, „Made in Wietzen“, sehr goe Qualität!          (Besen bringen)

      Nu sech mal, is de nich schick un adrett?

 

M   Wer het denn so`n Ding trechde trimmt?

      De is höchstens för`t Osterfüer bestimmt.

      Kanns villicht noch Spinngewäbe mit fägen,

      oder dän Swienstall un Hoff mienetwägen.                     (weit weg werfen)

 

C    Na, denn rückt wi mal dän richtigen Kranz rut,

      süß flippt use Meinke us hier noch ut!

      Bitte schön, wat sechste  jetzt?

      Dat Beste kummt jümmer noch tolest!

 

M   Dat schöll wolle en Test för mi wän,

      togegäben, de Kranz is wirklich schön.

      Drüm wid wi usen Gäber nich vegäten.

      denn wi hebt  hier genog to eeten.

 

C   Gott löed rieklich wassen för us`t täglichet Brot.

      Wenn wi domit richdich ümgaht, liert wi keene Not.

      Veel schlechter bestellt is dat in annere Länner un Region,

      uk von Katastrophen blieft wi hier meist veschont.

 

M   Staatsveschulden hen oder Eurokrise her.

      De politische Lage ward nich eenfacher mehr.

      Flüchtlinge, uk in Wietzen,  de an vegahene Tiet erinnert,

      wi hofft, dat richtige politische Entscheidungen allet Elend linnert.

 

C   Dorüm, leebe Posaunenchor, sünd ji nu dran.

      Nu stimmt bitte irstmal een Dankesleed an.              (Posaunen spielen: Nun

                                                                                             danket alle Gott)

                                                                                               

 C   Good hebt ji dat maakt – Danke dorför.

      Ahne Sünne, Wind un Rägen wör nix wussen hier.

                                                                   

M   Aver, nu sergt mi mal, fählt dor nich noch wat?

      Irgend eene Flüssigkeit, koolt un natt?                         (suchen)

     

M   Een Buddel vull, de hört dor mit to,

      ik heb em funnen, Minsch bin ik froh!                            (gefunden)

 

 M  Kumm Celina, dän probeet wi,

      de irste Schluck, de is för di.                                           (Celina probiert)

 

C   I gitt, i gitt, segg mal, wat is denn dat?                            (überschwänglich

      So een bittern Schluck heb ik ans noch nich hat!            ausspucken)

      Minsch Meinke, wat maakste bloß mit mi –

      Päperoni-Waater is dat, serg ik di.

 

M   Ik söek mal füdder in düt Kuddel-Muddel.                         (weiter suchen)

     

M   Oh ha, hier is jo noch een Buddel!                                    (gefunden)

      Ja, dat is he, nu lat mal seehn…..

      wi de woll smeckt, de echte Kööm!                                 (Landjugend trinkt

                                                                                                     aus Flasche)

 

C   Hult, dat reckt –

      uk wenn de good smeckt!

      Nu kamt de Kinner, de kiekt us so an,

      as ob man in dän Kranz noch wat finnen kann.              Meinke grabbelt nach

                                                                                                  Süßigkeiten und verteilt

M   Jetzt smiet ik wi bi`n Karneval –

      Kinner, nu sökt de Sötigkeiten öberall!

 

C    So, leebe Lüer, nu secht us dat Programm,

      dat man in Schützenhus noch önnich Kaffee drinken kann.

      Dor töft de Führwehrdamen mit leckere Torten,

      för jeden Geschmack wat – ganz veele Sorten.

 

M   Ja, un dösten mut uk keener an düssen Dach,

      jeder kann sik köpen, wat he girne mach.

      Wi hofft, ji sünd alle richtich good stellt

      un vegät mal de Arbeit un dän Streß von´ne Welt.

 

C + M

      Wi beiden wünscht jo noch veel Lachen un Spaß för dän Rest,

      dormit ji achderher sergen künnt: Dat wör een schönet Fest!

 

>Wietzen Aktuell<

Für mehr Infos auf ein Bild klicken!

Deutsche Meisterschaft

11.-18-Okt.

Fahrt nach Kreta

13.November     Yared Dibaba